من طرف Mr. Mansour Dawoud الأربعاء يونيو 16, 2010 9:41 amوالله الواد محمد أبو سويلم بتاع مدرسة كفر الهنادوة صعبان علية لأنه بيشتغل بضمير و من غير هرش و تفكير , ولف وتدوير ,ده الموضوع كبير , ومحتاج حنكة و تدبير , مش رقص سلم ولا سرقة أفكار الغير , سألته يا محمد إنت ليه زعلان , ودايماً شايفك قمصان وملان , قاللي والله دي حاجة تجيب الجنان , المدرسة كانت طالبة موقع قال إيه إلكتروني , قاموا بسرعة شالوني وحطوني , وبسرعة قاموا وطالبوني , بعمل الموقع الإلكتروني . والله تعبت وشقيت , وسهرت كتير في البيت , ولا إشتكيت ولا وليت , وعملت موقع يتشاف في كل بيت وبيت , وفي النهاية خايف أقول ياريتني ما بديت , ده كل إللي شافوه كلموني , وعلي الموقع الرائع شكروني , وطلبوا لمدارسهم زيه ويدفعولي , إلا أهل مدرستي إللي ماإفتكروني ولا بشهادة ولا بكلمة عبروني , الكل لما شافوا الشغل واسوني , سيبك من كلمة شكر وشهادة , حتي أبو 80% بياخدها ومعاها قهوة سادة , وهي لا جبر ولا هندسة يا سادة , لكن محمد أبو سويلم يستحق الريادة , دي مش شهادة ولا خيلة كدابة , دي مقدرة وموهبة ومش كل إللي جابته ولادة, والله تستحق كتير و زيادة , بكرة أكلملك العمدة بتاعنا , يشوف إيه أصل الحكاية ويمتنعنا , ونعرف مين إللي يستحق ومين ......... , وربنا يجعله عامر يا عمدة , قصة من بلدنا [right]
عدل سابقا من قبل Mr. Mansour Dawoud في الجمعة يونيو 18, 2010 2:25 am عدل 1 مرات
