منتدى فاطمة الزهراء إدارة شرق

منتدى تعليمي متميز يفخر به كل مصري


    الإمتحانات و البلطجة

    شاطر
    avatar
    Mr. Mansour Dawoud

    المساهمات : 29
    تاريخ التسجيل : 27/05/2010
    الموقع : ON The Moon

    الإمتحانات و البلطجة

    مُساهمة من طرف Mr. Mansour Dawoud في الجمعة يونيو 11, 2010 8:15 am

    في كل سنة من السنين ألاقي نفسي بأراقب وألاحظ في مدرسة للبنيين , طب وإيه المشكلة , المشكلة يعلمها الكل هناك مدارس الغش فيها بالعافية وبالبلطجة , برشام والله العظيم برشام وسجائر محشوة والراجل يتكلم قصدي والمدرس الراجل يتكلم ويا ويله لو إتكلم ده مش يأليف ده حقيقة وعلشان يبقي كلامي صادق إسمعوا الحكاية من سنة مش من إثنين رحت لاحظت في مدرسة إسمها طلعت مصطفي خدونا مخصوص بعد ما كنا في التجمع قال إيه المدرسات هربت بعد أعمال البلطجة وقلة الأدب رحنا إثنين نشوف برأي العين , الواد مان إسمه حسن توك توك قل أدبه علي الملاحظ وساب اللجنة يتمشي ويشرب سيجارة , جاله العسكري , قام إيه ضرب العسكري , والله ضرب العسكري , ولو كنت أنا إللي ضربت العسكري لكان زماني في خبر كان,ولا يعرف عني إنس ولا جان , المهم جاء الظابط بص ومشي , المهم بعد كده جاء المسئول الكبير إللي المفروض حاميني وقلنا بس شرف المدرس لن ينداس وسيكون هذا الطالب عبرة لغيره , هههههههه ده أنا كنت بأحلم المسئول الكبير قال إيه زعلان ليه تبلغه الشرطة يا جدعان الطالب البلطجي إحتوووووه ويمكن شوية ونرضعوووووووه , و يا عيني علي رئيس اللجنة قال جتنا نيلة في حظنا الهباب عاوزين نعديها بقي يا جدعان ما هي الكرامة منداسة من زمان هي جت علي الواد حسن توك توك , من يومها وغمضت عينية وقفلت وداني في الإمتحانات , إللي عاوزها إمتحانات , يجيب حق المدرس إللي بيتهان من طالب صايع ممنوع تعمله محضر غش وتعدي أو محضر إثارة شغب أثناء سير الإمتحان , إلحقوناااااااااااااااااااا حراااااااااااااااام يا الغش بالعافية يا إما علقة , يا حبيبي والله العظيم كلامي صحيح إسأل عن مدارس رشدي , عبد العزيز جاويش وطلعت مصطفي ومدارس تانية يا ويله إللي يقول الغش حرام . [size=24][/size]
    avatar
    استاذ محمد البدري

    المساهمات : 366
    تاريخ التسجيل : 19/05/2009
    العمر : 45
    الموقع : fatmazahraa.tk

    رد: الإمتحانات و البلطجة

    مُساهمة من طرف استاذ محمد البدري في السبت يونيو 12, 2010 7:19 am

    و الله شكلك كدة
    ناوي على ابو زعبل
    يا اما ناوي على قفل الموقع
    تحياتي




    avatar
    Mr. Mansour Dawoud

    المساهمات : 29
    تاريخ التسجيل : 27/05/2010
    الموقع : ON The Moon

    رد: الإمتحانات و البلطجة

    مُساهمة من طرف Mr. Mansour Dawoud في الأربعاء يونيو 16, 2010 10:38 am

    صدقني يا أخي يا محمد لولا أنني متأكد من أنه لأول مرة من سنوات أري وزيراً غيوراً علي العملية التعليمية ويحاول جاهداً بكل ما أوتي له من قوة أن يتصدي لكل فساد وكل من ليس له علاقة بالتعليم , وأنا علي يقين والأيام سوف تبرهن علي ذلك من أن الوزارة سيعود لها إسمها القديم علي يديه وهو ( وزارة التربية والتعليم ) وليس الإسم الحالي وزارة التعليم فكلنا يداً واحدة لإستئصال شوكة البلطجة في المدارس وأثناء الإمتحانات[justify]

    اسماء فكرى

    المساهمات : 3
    تاريخ التسجيل : 06/03/2010

    رد: الإمتحانات و البلطجة

    مُساهمة من طرف اسماء فكرى في الأحد يونيو 20, 2010 8:23 pm

    عندك حق والله يا مستر هو موضوع متفشى بشده فى الاولاد بالذات ومش بس فى المدارس ده تسرب للجامعات ومين قال ان الغش حرام ده بقى فى كلمة هتعجبك قوى لما تواجه حد منهم justمساعدة
    avatar
    Mr. Mansour Dawoud

    المساهمات : 29
    تاريخ التسجيل : 27/05/2010
    الموقع : ON The Moon

    رد: الإمتحانات و البلطجة

    مُساهمة من طرف Mr. Mansour Dawoud في الإثنين يونيو 21, 2010 11:52 am

    شكرأً يا أسماء علي هذا الرد الجميل , رسالة أوجهها لكل واحد مسئول أو غير مسئول , مهندس من نتاج الغش , دكتور من نتاج الغش , مدرس من نتاج الغش , ظابط من نتاج الغش , و....... و....... و....... تخيلوا مستقبل البلد دي حيبقي شكله إيه و المصيبة يا ويله من المدرسين إللي يتصدي لهذه الظاهرة , إما الضرب , أو السب , أو حجر في الرأس , أو في زجاج سيارته , ونادراً ما يأخذ المدرس حقه , تعرفي ليه , لأن الطالب دايماً علي حق , قالها وزير سابق مش حداري إسمه د\ حسين كامل بهاء الدين ومن يومها الطالب فوووووووق والمدرس تحت , فقط نطالب بأن يأخذ كل ذي حق حقه , طالب أو مدرس , وأخيراً كل الشكر والتحية العطرة إلي إبنتنا العزيزة أسماء ودائماً أنتي مثال للطالبة رفيعة الخلق , وفقكي الله إلي كل ما فيه الخير والصلاح.

      الوقت/التاريخ الآن هو الإثنين ديسمبر 11, 2017 8:08 am